Malaysia: Penang state, Juru khua ah inncung cih tlang sak liomi inn pakhat a cim i rianttuanmi minung 3 an thi, a dang 3 an i hliam.

Thil a can hi February 15 chun hnu ah a si.

Thilritcawinak seh (Crane) mawngtu P. Kumar (kum 46), Rofi Khan (kum 32) cu a hmun ah an thi.

Amir Udin Abol Kasim (kum 20) cu Seberang Sizung ah a thi.

A dang Myanmar rammi 2 le Indonesia rammi 1 zong fak tuk in an i khong. An zapi tein kum 30 hrawng minung an si hna.

“A thimi Myanmar rammi 3 ruak cu hlai dingin Seberang Jaya Sizung ah kan kuat,” tiah Seberang Prai khua palek bawi chang Nik Ros Azhan Nik Ab Hamid nih a chim.

“A dang aa kong 3 hna cu a dikmi catlap/work permit ngeimi an si le silo kan check hna lai. An lu ah fak tuk in an i khong. Thil sining zong kan hlat cuahmah lio a si,” tiah a chimchap. _ NST

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.