Malaysia ah ramdang hlawhhlang nu 11 an tlaih hna

Ramdang hlawhhlang nu 11 cu February 25 zaan ah palek nih an tlaih hna. Sunway, Mentari le Petaling Jaya i hotel man fawi pawl ah hlawhhlang an ttuan.

“9:30pm in tlaihkhihnak kan thok i suimilaam 1 chung kan tuah. Hlawhhlang nu a rak hlangtu kan rammi pa 4 (kum 20 in 30 kar) zong kan tlaih hna,” tiah palek bawi Ahmad Shahabudin nih a chim.

“Nu 10 cu Thailand an si i 1 cu Indonesia nu a si. Kum 22 in 33 kar an si hna. Liamcia ni 5 hrawng in hlawhhlang tuan an i thok tiah kan zumh.

“Atutiang thil sining kan hlat tikah, pa nih hlan khawh an sinak kong cu website pakhat le social media app WhatsApp ah an cawngia.

“Suimilaam 1 ah RM230 an lak hna. Zaan 1 ah RM950 an lak hna.

“Kan tlaihmi hna cu an dihlak in Petaling Jaya pengkulh palek headquarters ah kan kalpi hna i cuka ah an konglam tling deuh in hlat a si te lai,” tiah a chimchap. — Bernama

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.