Rianttuannak i-card le UNHCR card deu a ser i ramdangmi, ahlei in amah rammi sinah a zuartu Myanmar pa kan tlaih, tiah Penang state palek nih an chim.

“Nithumni ahkhan Bukit Mertajam khua ah tlaihkhihnak kan tuah i kan tlaih.

“Kan hnu zarh in sungtthoh pawl nih thil sining an ngiat hnu ah Nithumni zaanlei 1:30pm ah tlaihkhihnak kan tuah i kum 45 Myanmar pa cu kan tlaih.

“Mipa a inn cu palek nih kan chek i UNHCR card deu an si tiah lunghrinhmi 5 le i-card 4 kan hmuh, Myanmar passport 3 le CCIDB card 5 zong kan hmuh.

“Card deu tuahnak caah a hmanmi thilri pawl; printers, catlap le plastic senghnak seh, tbk., pawl zong palek nih kan tlaih.

“A sermi card pawl cu ramdangmi sinah pakhat RM30 in a zuar hna.

“Mipa cu phungninglo in Malaysia ah a lutmi asi. Card deu a sernak thla 2 hrawng asi cang. A sermi card pawl cu check dingin UNHCR le Lahwahkah zung ah kan kuat hna.

“Card deu a cawtu ramdangmi pawl hngalh dingin le liamcia thla 2 chungah card deu zeizat dah a zuar cang timi kong cu hlathlainak kan tuah cuahmah lio asi rih.

“Myanmar pa cu Sualman Upadi Dal 420 in case kan tuahpiak,” tiah palek nih an chim. — Bernama

Penang state ahcun Chinmi an um ve ko nain an tam lo. Kawl le Rohingya an tam.

Myanmar pa cu zei miphun dah asi ti bal palek nih an chim lo.

July 11 zongah Penang state ah UNHCR card deu a sertu Rohingya pa 2 an rak tlaih hna. Malaysia palek nih an min le miphun chim loin “UNHCR card deu sertu Myanmar pa 2 kan tlaih hna” an rak ti.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.