CCF Seremban Chairman Pa Thang nih mual a kan liamtak

Chin Christian Fellowship (CCF) Seremban Chairman Pu Pa Thang nih nizaan November 12 zingka 5am ah hi vawlei in a kan kaltak.

Pu Pa Thang, kum 40 cu ‘thi cancer’ in a zawt caah November 2 ahkhan Ampang Sizung ah an kalpi i zahan zingka ah a liam hi si.

Zahan zaan ahkhan CCF Seremban ah ruak humh thlacamnak an tuah.

“Chairman Pu Pa Thang cu mi nun ttha, Pathian a ttihzahmi le aho sin paoh ah bia ttha a chim zungzalmi a si. Laimi Khrihfa cheukhat cu kan hmurka in bia dawh lo a chuak tawn, Chairman Pa Thang nunzia hi Laimi khrihfa nih i zohchun awktlak a rak si,” tiah CCF Seremban mino upa pakhat nih Facebook ah a ttial.

A ruak cu Ampang Sizung ah a um lio a si. Laitlang ah tlunpi dingin a herhmi an timh lio a si.

“Myanmar Tanzung ah rammi sinak ca (CI) kan lakpiak lio a si i tu zarh Nilini asiloah Ningani tal ahcun Laitlang ah a tlung kho men lai tiah kan ruah,” tiah CCF Pastor Rev. KB Nun Cung Bik sin in kan theih.

Pu Pa Thang cu Paletwa peng, Tinkung khua ah a rak chuak. Hakha ah palek a rak ttuan bal.

A nupi cu Hakha peng, Haiphai khuami a si. Fa 4; pa 2 le nu 2 an ngei.

Khuasak le lu phum kan i timh lonak Malaysia ram ah Chinmi thong 2 (2,000) hrawng kan nunnak a liam cang. Ruah riangmang ah ngaih a chia hringhran.

Malaysia um Chinmi hna, UN kongah lungrethei tukin kan um lio ah hi bantukin kan hruaitu pawl nih a kan liamtak hi cu thlavai a kiang chinchin.

Tluang tein Laitlang an tlunpi khawhnak hnga le taan takmi chungkhar caah thlacam piak cio hna usih.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.