Malaysia Chin ralzaam kirnak caah Salai Isaac Khen nih bu a dirhmi kha ACSY

“Malaysia um Chin ralzaam tawlrelnak caah Salai Isaac Khen nih August 4, 2018 ah bu a dirh,” tiah All Chin Society, Yangon (ACSY) nih a ttial.

“Salai Isaac Khen dirhmi bu le ACSY hi zeihmanh pehtlaihnak kan ngei lo. ACSY cu a dangte kan si ve ko.”

“Malaysia um Chin ralzaam hna kong hi ACSY nih tawlrel a hauh ahcun Myanmar cozah he i bawm in asiloah Myanmar cozah lam hruai ningin kan tawlrel lai (kirnak kan bawmh hna lai…).”

“Cucaah, Salai Isaac Khen nih a dirhmi ‘Malaysia Chin ralzaam tawlrelnak bu’ cu ACSY ah fonh a duh ahcun ACSY lutlai bu sinah rak chim seh, aa fonh ding si ahcun ACSY nih lunglawm tein kan cohlan ko lai.”

“ACSY ah aa fonh lo ahcun hnu ah Salai Isaac Khen bu he pehtlai in a cangmi thil vialte cu ACSY he zeihmanh pehtlaihnak a ngei lai lo,” tiah All Chin Society, Yangon nih cathluan a chuah.

Malaysia Chin ralzaam kirnak caah Salai Isaac Khen nih bu a dirhmi kha

Salai Isaac Khen le a hawile pawl nih August 4 ah meeting an rak tuah lio ah atanglei bangin media sinah bia an rak chim.

Pu No Than Kap nih, “Chin state ah khuasami ca hmanh ah a har, an kir tikah cozah nih a bawmh hna lo ahcun innlo lo le tangka loin zeitin dah khua an sak lai. Kan lungrethei tuk, Rampi Cozah asiloah Chin state cozah tal nih tangka maw innlo maw, tangka cawih in maw a bawmh hna lo ahcun an har tuk lai,” tiah a chim.

“Malaysia um Chinmi hna kir le kir lo cu kanmah nih biakhiah khawh a si lo. Anmah tein biachahnak tuah a haumi si,” tiah Salai Isaac Khen nih a chim.

Salai Aung Ling nih, “Chin ralzaam kirnak caah cozah nih zeital khuakhan piakmi a ngei hna maw, a ngeih lo ahcun kanmah nih cozah sinah zeital kan hal piak kho hna lai maw, UNHCR hi tah zeital kan chim kho lai maw ti pawl kan ceih,” tiah a chim.

Video ah tling tein…

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.