Malaysia cozah bak nih, “Chin ralzaam a dongh tik ahcun tlaih viar hna in an ram ah kuat dih an hau ko lai,” tiah The Star thawngzamhca nih Chin ralzaam kong a hal lio ah a chim. Tuni ah The Star nih a tar.

Chin ralzaam cu 2019 Dec 31 ah a dong lai. Mah tikah Malaysia cozah nih Chin ralzaam paoh cu a kan tlaih viar lai tinak a si.

Chin ralzaam kirnak caah UNHCR, Myanmar le Malaysia cozah nih khuakhanmi a um lo. Chin ralzaam a dongh tik zongah Malaysia ah Chinmi tampi kan um rih lai, ti a fiang.

Kirnak kan tuahpiak te hna hmanh sehlaw minung 50,000 chung ahcun kir a duh rih lomi (caan tlawmpal phungning loin rianttuan ta a duhmi) tampi kan um lai.

Nain, Malaysia cozah nih a kan duh lo.

Malaysia Ramchung Vuanci changtu thar Datuk Mohd Azis Jamman nih, “cozah kan si bang Chin ralzaam pawl cu Myanmar ram ah kan kuat hna a hau ko lai,” tiah The Star thawngzamhca nih bia a hal lio ah a chimmi cu tuni ah an tar.

“As the government, we will need to send them back,” said Deputy Home Minister Datuk Mohd Azis Jamman when R.AGE (The Star’s affiliate) spoke to him about the Chins’ situation.

“Cunglei in nawl pekmi zong zeihmanh a um rih lo caah UN card a ngei lomi Chin ralzaam hna cu tlaih in kuat an si ko lai,” a ti.

“Chin ralzaam pawl hi ka zaang an fak ko. Nain, bawmh a herhmi Malaysia rammi tampi an um, acheu cu Chin ralzaam nakin an harsa deuh, mah pawl zong hi ka zaang an fak.”

“Myanmar ram chung i ralzaam a chuahtertu thil hna hi zorter dingin ramkip nih Myanmar cozah hi kan auhnawh a herh. Myanmar ralzaam cu Myanmar piahtana a si, anmah minung cu an cohlan hna hrimhrim a herh,” tiah a chimchap.

Malaysia cozah nih fawi tein a kan tlaih khawh lai

Malaysia cozah (Ramchung Vuanci Zung) nih ralzaam vialte kan umnak (real time location) theih a duh caah ralzaam zulhdawinak card tuah dingin (Tracking Refugee Information System – TRIS) zung a dirh. TRIS zung nih cun MyRC card a ser i a chungah GPS le bio-metric data a ngahmi chipset a rawn. MyRC card cu Malaysia um Chinmi tampi nih kan sok.

MyRC card hi ttihnung tuk si
Malaysia cozah nih MyRC card a thokka 2017 ah aa tinhmi a rak chimmi si. Ralzaam pawl fawi tein tlaih khawhnak caah a tuahmi si.

MyRC card kan sok lio ah kan umnak inn address le kan phone number kan pek dih. Mah hnu ah Malaysia cozah nih chipset rawnmi MyRC card cu a kan pek.

MyRC card a ser i a chungah GPS

Chin ralzaam a donghte tik ahcun MyRC card chung i chipset-GPS le kan phone number GPS in Chin ralzaam vialte kan umnak hmun ah fawi tein a kan tlaih khawh dih lai.

Kan inn address zong cozah sinah kan pek dih caah, Chin ralzaam a donghte tik ahcun kan inn kip ah a rung kan tlaih khawhte lai.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.