Malaysia Chinmi I Ralring Hna Usih

Atu hrawng hi Malaysia ram chungah mihrokhrol nih phone chawnh in hlen le tlerh hnu ah tangka hal a tam ngai. Cu bantuk, tangka hal cu Malaysia rammi tampi an tong.

Cu ruangah, na theih lomi phone number in an in chawnh i; biaceih zung ah tazacuai na si, rithaisii na tongtham tbt in an i ti ahcun i zumh hlah.

Cun, na theih lomi le na si lo ning kha caanttha hmang in tangka rak kan kua tiin an in tlerh lai. Phone chawnh khawh tthannak number an in pek ah siseh, number cucu hmet (phone number/code number) an in ti ahcun phone chia/that colh ko. Saupi chawn hna hlah.

Phone number naa palh ti zong in ti ko hna. Cun, an in chawnhnak number cu block colh. Aho paoh i ralring hna u sih.

Malaysia um Chinmi zong i ralring ve usih

Cu lawng siloin mihrokhrawl pawl nih ‘palek ka si’ tiin phone an chawnhmi hna zong an um. “Upadi na buar caah tlaih ding na si, tlaih na duh lo ahcun tangka na liam hau..,” an ti hna.

“Malaysia ram chungah a ummi vialte nih mah hi i cingken uh, palek le cozah zung nih zeitik hmanh ah ‘kan in tlaih lai, taza kan in cuai lai’ tiin phone kan chawn bal lo i hmailei zongah kan chawn bal lai lo,” tiah Penang state Palek chungin misual dotu phu lutlai Datuk Mohamad Anil Shah nih October thla thok ah a chimbal.

– ACR Thawngthanh

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.