A ra laimi 2019 February 04 – 05 (Chinese New Year) ah khin hlunghlai taktak in PAIH tuah than a si lai. Atu ah hin aa pai dingmi pawl biatak tein timhlamhnak an ngei cang hna i, thenkhat cu Gym an kal hna caah an taksa le bumban zong an miltlor ngai cang hna.

Cu ruangah tukum CND Paih lio nakin zoh an dawh deuh lai ti a fiang. Cun, kum 40 in a cunglei kan pale pawl zong a zuammi i paih khawh a si. Minung 10 telawng cohlan a si caah mincazin a pe tuanmi paoh papek nan si lai.

Paih hi Lai nunphung ah kan sunhsak ngaimi a si caah a tlau sual tiah kilhkamh hi Laimi kan rian cio a si. CND ah tuah tawnmi Paih hi Hakha peng le Thantlang peng upa hna i bawm in tuahmi a si bantukin HPF le TPF tang a ummi Fellowship hna le khua cio nih nan tangka le nan thazaang chuah in nan dirkamh cio caah kan I lawm hringhran.

2019 CND Paih hruaitu upa hna;

  • Chairman – Ca Thawng (CNF chairman)
  • Vice Chairman – Silver Star (Senthang chairman)
  • Secretary – Dawt Ceu Bik (CRC Co-ordinator) 
  • Asst. Secretary – Tluang Lian Cung (Cawbuk)
  • Treasurer – Victor Mang Hlei Hrin (Bual Chairman)
  • Auditor – Pu Ca Kung (HPF Chairman) & Pu Thawng Lian (TPF Chairman)
  • Paih tlangtlatu hna (Referee) – Pu Sui Luai, Pu Aye Saw, Pu Siang Ceu Lian, Pu Kap Mawng 
  • Advisers – Pu Sui Luai, Pu John Kham, Pastor Tin Thang, Pu Van Hlei Mang

Pengtlang chairman paoh committee chungtel an si hna.

2018 Malaysia CND Paih

Laksawng

  • – Zuamcawh pakhatnak (champion) – RM. 2000 le Roca (RM 2000 chung hin taisawmh ser I a hleimi a tangka in pek ding), Pahnihnak – RM.1000
  • – Zatlang Paih Pakhatnak – RM. 1000 le Roca
  • – Minung tam bik a teitu- RM. 500
  • – Paih dawh bik – RM. 300
  • – A phuphu (club) paih pakhatnak – RM. 1000, pahnihnak – RM. 500

Rian khinhmi hna;

  • – Rawl zuartu – Mie mino
  • – Ti le hangkik zuartu – Khuahlun mino 
  • – Lupawng zuartu – Senthang mino 
  • – Banner le sticker zuartu- TPF mino
  • – Paih lio biachimtu (Announcer) – TPF nih an thiah hna lai.
  • Paih ni : Feb 5-6, 2019
  • A hmun : Chin Woo School
  • Jalan Seladang, Off Jalan Pudu 
  • (Pudu Plaza hnulei, tukum Paih rak tuahnak hmun)

Thawngthanhtu: Victor Mang Hlei Hrin

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.