Sarawak state ah a ummi Khrihfa pawl cu August 22 ah an i tong hna lai i Malaysia ram ca le National Day (Merdeka) ca ah thlacamnak an tuah lai.

Kum fatin Association of Churches in Sarawak nih a tuahmi rampi ca thlacamnak cu Christian Ecumenical Worship Centre ah an tuah lai i minung 2,000 hrawng cu an i tel kho lai tiah ruah a si.

Tu kum rampi ca thlacamnak cu ‘Thlacam’ timi tlangtar in an tuah lai i, ACS secretary-general Ambrose Linang nih a duhmi paoh rak i tel khawh a si a ti.

“Kan ram le state ah daihnak le dinfelnak a umnak hnga Pathian sin ah thluachuah kan hal lai. Upadi sertu hna ca, Sarawak state hruaitu hna ca le Malaysia ram ah biaknak zalonnak le daihnak a um pengnak hnga caah thla kan cam lai,” tiah Ambrose Linang nih tuni ah a chim.

Association of Churches in Sarawak (ACS) cu Sarawak state chung Khrihfa bu vialte an i fonhnak a si i Anglican, Baptist, Catholic, Methodist, Seventh-Day Adventist, Borneo Evangelical Mission le Salvation Army bu pawl an i tel hna. _ The Star

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.