Malaysia le India Chin ralzaam caah Australia Chin Community 4 nih MP Hon. Michael Sukkar an ton

Australia ram pumpi budget cu a ra lai mi zarh hnih chungah ser hram an thok deng cang. Cucaah, kan Chin miphun pawl (communities hna le biaknak lei) nih kan herh mi bomh khawh ding mi hna a um hnga maw tiah tonnak a kan sawm. 

Melbourne Nichuahlei Communities hruaitu hna he tha tein ceihkhan dih hnu ah kan community ca bak lawng ah siloin kan miphun a huap mi a lian mi issue lawng chuah pi ding in kan lungtling. 

Kan chuahpi mi le ceihkhan mi hna cu; 

1. UNHCR hi bia tak tein pressure rak kan pek piak uh. Cozah nih Malaysia UNHCR lawng ca hmanh ah kumkhat ah $8,90,000 reng lo nan bomh peng hna caah kan Cozah nih na kan nam piak hrimhrim a hau kan ti. 

2. Chin Ralzam laknak le khuate lei thial kamnak hi Federal Cozah he project pakhat bantuk kan tuah piak uh. Holh let le innlei bom chantu tbk tiang le tangka zai maw a herh tiang in Chin communities dih lak nih hmun khat te ah kan cawlcang lai. 

3. Kan community members hna nih nan i buaipi tuk cio mi rammisinak (Citizenship) 
kong kan chim. 

Acunglei 1 le 2 hi cu bia tak tein kan cawlcangh pi hna lai tiah lungtlinhnak kan ngei. Prime Minister zong ka chawnh colh lai tiah bia lehnak a kan tuah. 

A dang a herh mi paoh cu community upa te nih thawngtheihter peng ding in kan lungtling.

Australia Chin Community – EM

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.