Penang state lahwahkah bawi Husni nih, “2019 atutiang ah kan state chungah voi 790 leng phungninglo ramdangmi tlaihkhihnak kan tuah cang,” tiah a chim.

“Ni kum ahcun atu tik ahhin tlaihkhihnak voi 681 lawng kan rak tuah.

“Tu kum atutiang ah phungninglo ramdangmi 1,556 kan tlaih cang hna. Ni kum ahcun atu tiang ahhin 1,446 lawng kan rak tlaih hna.

“Kan tlaihmi chungah Bangladesh rammi an tam cem i 531 an si. A changtu ah Indonesia rammi 346, Myanmar (331), Thailand (126), Vietnam (126) le adang cu ram kip in tlawmpal cio an si hna.

“Liamcia caan i rak tlaihmi phungninglo ramdangmi pawl cu an sualman theipar thongthlak an si hnu ah, tu kum atutiang ah 2,034 hrawng an ram ah kan kuat cang hna.

“Penang state ah rianttuan a duhmi randangmi paoh cu upadi kan zulhter hrimhrim hna lai,” tiah a chim. — Bernama

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.