Malaysia nih Kawlrammi 55 telh in ramdangmi 105 a tlaih hna

Shah Alam – Malaysia lahwahkah le palek nih tuni ah Kawlrammi 55 telh in ramdangmi 105 an tlaih hna.

Tu zingka 7:30am ah palek, lahwahkah, DBKL le hmatpungting/IC zung nih tlaihkhihnak an thok.

“Ramdangmi pawl nih an duhnak paoh ah hnawm an hlonh caah pawngkam um rammi nih an report hna. Mah hnu ah tlaihkhihnak kan tuah hi si, suimilaam 7 chung kan tuah,” tiah Shah Alam khuapi palek bawi Baharudin nih a chim.

Ramdangmi 339 an check hna hnu ah phungninglo in a ummi 105 an tlaih hna hi si.

105 hna cu;

  • Myanmar rammi 55 (nu 10 an i tel)
  • Bangladesh 20
  • Indonesia 12
  • Pakistan 13
  • India 4 le
  • Nepal 1 an si hna.

Shah Alam khuapi palek sakhan ah an kalpi hna. 1959 Lahwahkah Upadi Dal 6 (1) (c) le 15 (1) (C) in case an tuahpiak hna.

“Ramdangmi pawl an i vel, an i that timi report zong kan sin a phan,” tiah Shah Alam palek bawi Baharudin nih a chim.

Dong loin tlaihkhihnak kan tuah peng lai, tiah a chimchap. — Malaysia Lahwahkah

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.