Malaysia nih Kawlrammi telh in ramdangmi 13 a tlaih hna

Ipoh khuapi i malitnak dawr pakhat ah lahwahkah nih tlaihkhihnak a tuah i Kawlrammi telh in ramdangmi 13 a tlaih hna.

“Phungninglo thil an tuah tiah report a phanh caah Zarhpini zaanlei 3:40pm ah tlaihkhihnak kan tuah,” tiah Perak Lahwahkah bawi Ismail nih a chim.

“Malit lawng si loin hlawhhlang an ttuan pah,” tiah tuni i media sin thawngthanhnak a ngeih lio ah a chim.

“Thailand nu 4 le Vietnam nu 10 kan tlaih hna. Malitnak dawr ah rian a ttuanmi Bangladesh pa 1, Myanmar pa pahnih le Malaysia pa 4 zong kan tlaih hna,” tiah a chimchap.

“Kan tlaihmi hna cu kum 19 in 49 kar an si hna.

“Nu cheukhat cu customer an zohkhenh hna lio sikaw, tlaihkhihnak kan tuah zong an rak hngal lo.

“Malitnak dawr cu zingka 11am in zaanttim 2am tiang peng an hun.

“Kan tlaihmi hna hi upadi an buarmi a tam ngai. Phungninglo in Malaysia ah an um, phungninglo in rian an ttuan, visit visa ningcang loin an hman, phungninglo ramdangmi inn an hlanh hna.

“An konglam kan hlat dih hnu ah, Langkap Lahwahkah thong ah kan kuat te hna lai,” tiah a chimchap. — The Star

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.