Malaysia nih Kawlrammi telh in ramdangmi 15 a tlaih hna

Kedah state: Rawldawr le innsak rian a ttuan phungninglo ramdangmi 15 cu Malaysia lahwahkah nih January 3 ah an tlaih hna.

Kedah state lahwahkah bawi Zuhair Jamaludin nih, “January 3 zingka 10:30am in 4:30pm tiang tlaihkhihnak kan tuah i ramdangmi 47 kan check hna hnu ah 15 kan tlaih hna,” tiah a chim.

“Tlaihkhihnak kan tuah lio ahhin ramdangmi pawl cu rian an ttuan liopi a si caah lahwahkah (immigration) kan um zong an hngal lo.”

“Tlaihmi 15 cu kum 20 in 60 kar lawngte an si. Passport le work permit an ngeih lo ruang le card deu an i tlaih ruangah kan taih hna.”

“Tlaihmi 15 hna cu;

  1. Myanmar rammi 3
  2. Indonesia 6
  3. Thailand 4
  4. Bangladesh 1 le
  5. Cambodia 1 hna an si.”

“Passport le visa loin Malaysia a lutmi dantatnak upadi, work permit loin rian a ttuanmi dantatnak upadi le card deu a hmangmi dantatnak upadi in case kan tuah lio si.”

“Tlaihmi pawl cu Orion Lahwhakah Thong ah kan chiah chung hna. Hnu ah tazacuai le an sualnak theipar zunter an si te lai,” tiah Lahwahkah bawi nih a chimchap. – Metro newspaper

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.