Chinpa 2, Pawng Monh Thang le Kham Kanh Kai cu Malaysia ram ah kum 3 leng an um hnu ah an semnak Tedim khua ah an kir i rawl dawr an hon.

An nih pahnih hi unau an si i, Malaysia ram an um lio ah rawldawr ah rianttuanmi an si.

Pawng Monh Thang: Atu ahcun rawldawr kan tuahmi hi a tlamtlin ko caah Malaysia ram ah kal tthan ka duh ti lo.

Malaysia ram kan kal hlan ahkhan sabuti dawr tuah kan rak i tim nain a tlamtlin lo caah kan tuah beh kho lo.

Malaysia ram kan um lio ahcun thlakhat ah kyat ting 9 hrawng kan hmu. Hika ahcun kanmah inn le lo te ah kan um cang tikah kan hmannak zong a tam i Malaysai kan hmuh ning tluk cun kan hmu ti lo.

Nain, mah le rian te tuan si tikah a nuam deuh ngai. Kan chungkhar tling tein ttuan khawh ttimi rian ka duh caah rawl dawr hi kaa thimnak a si.

Kham Kanh Khai: Kan unau in Malaysia ram in kan hungtlung. Nain, Chinram ahcun company um lo, rianttuan awk zong umlo tikah kan chungkhar in meeting kan tuah i kan i khonmi tangka in rawldawr kan hon hi a si.

Hika ahcun zei kan si lo zongah, boss pakhat kan si ve cang. Rianttuan kan huam lo ni a um zong ah kan duhduh in kan i din kho.

Tangka tampi kan hmu lo nain nifatin cu tangka a lut ve ko. Khoika hmun kan phak i zeibantuk rian kan ttuan zongah ka ttuanmi rian hin zeitindah thiamnak kaa lak lai ti i zuam hi a biapi tuk.

Cu bantuk ruahnak na ngeih ahcun khoika hmun na phak zongah na tlamtling ko lai.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.