Malaysia Um Chin Pa Phone Ah 'Nupa Sualnak Video' An Hmuh Ruangah Thong An Thlak

Malaysia: Rawldawr ah rian a ttuanmi Chin pa cu a phone chungah ‘nupa sualnak video’ a chiah ruangah pengkulh biaceih zung nih thla 4 thongthlak dingin bia a chahpiak.

Chin pa FC Dailova (kum 24) nih ka palh ko tiin aa cohlan hnu ah biaceih bawi Nor Ariffin Hisham nih dan a tat hi a si.

FC Dailova cu September 23, 2018 ahkhan Pelangi Damansara ah palik nih an tlaih.

Thla 4 thongthlak ding timi ahhin an tlaih nih thok in rel a si lai.

Dailova cu misual biaceihnak Upadi Dan 293 (a) in taza an cuai i, hi upadi ahhin a sual ko ti ahcun kum 3 leng thongthlak silole tangka liamter silole a pahnih ning in dantat khawh a si.

Dailova nih ngakttah ka si tiah a chim. Dailova cu sihni ​​​​​​​Mohamad Firdaous Mohamad Idris nih taza a cuaimi a si. _ NST

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.