zohchia ngai in a ummi pa VIDEO
Tangah video um lai

Malaysia um Chinmi chungin Zomi aa timi pawl cu kum dang tawn bang, Chin Miphun Ni tuah loin anmah dang tein Zo Miphun Ni an tuah ve.

Stage cungah upa pakhat nih “Zogam (Zoram)” tiin bia a chim len lio ah, tangin minung pakhat nih a va kai hnawh, amah lei ah mic aa dawh i “Malaysia ram uktu Mahathir Muhamad mu, Mahathir Muhamad le Anwar..” tiah a chim len. Biachim fialmi upa cu “na min, nangmah min kha ho si cu?” tiah a min hna a hal len.

Vawlei cung Chinmi vialte lakah Malaysia um Chinmi hi an mualpho a tam cem si men lai.

Malaysia cu puai sunglawi zong buainak in an donghter caan a tam ngai cang.

Ni kum Chin Miphun Ni ah awttha sawmmi Jenevy Sui zong hla a sak lio ah tangin an dawh i stage cungin a tla deng. A khuk kok. Puai a piat.

Ni kum CYOM Concert ah Ni Len Par Mawi cu tangin pangpar in an cheh hoi. An thawngpang nih Malaysia, Kawlram le vawlei pumpi a cul. Kawl media tiang nih an rak ttial.

Tu kum Chin Miphun Ni paih puai ah an i vel hoi hna. Thutden 32 an khiah/khuai dih hoi i liam le cawi nih a kiah hna. Ni 2 tuah ding timi paih puai zong an let i an tuah kho thai ti lo.

Atu ah Zo Miphun Ni an tuah ve i hitin an si ve hoi. Apoi taktak. Hi bantuk hi hruaitu upate upat lo, caan thiahmi minung upat lo le puai zohtu minung a zaza, a thongthong upat lo, zeirel lo asi. Phun dangin chim ahcun “hruh a si”.

Vawlei cung Chinmi vialte nih Malaysia um Chinmi cheukhat an nun ning hi “zoh a chia tuk, ningzak tuk asi, hi bantuk cun khuazei hmanh kan um awk a si lo” ti hngalhnak caah le nun chimtu ah cang hraam seh.

Hi bantuk cu Chinmi tuanbia ah um hin ti hlah seh.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.