United Arab Emirates ram ah a ummi nu pakhat nih, “ka vapa nih a ka duh tuk luakchuak i inn rian zong a ka bawmh peng, atu le tu laksawng a ka pek peng” tiin tthen a timh.

Fujairah khua ah a ummi Sharia biaceih zung ah “ka vapa nih bia zong a ka al bal lo, a ka au hnawh bal lo i a ttha tuk peng” tiin tthennak ca a ap.

“A ka duh tuk ko nain, ‘a ka raak bal lo’ caah ka nun hi ‘hell’ tlak bak ko si ko.”

“Ka i umhnak hi a kum in si cang nain atu tiang a ka raak bal lo.”

“A ka duh tuk i a ka dawt tuk luakchuak.”

“A ka duhnak nih hin ka thaw a ka phih hnik cang. Ka bawm ka ti lo buin inn thianh hna a ka bawmh.”

“Na thau tuk ka ti i, biatak tein rawl ei aa sum i exercise a tuah ruangah a ke zong aa khiah,” tiin biaceih zung ah tthennak ca a ap.

Mah tiang a chim hnu zong ah a thinhung tukmi nupi cu a diriam rih lo. A vapa nih laksawng a pekmi tiang a zai rih.

“Ni khat te tal bia al ka thithak tuk, nain aa ka duh tukmi ka vapa nih aa ka ngaihthiam peng i ni fatin laksawng in aa ka kholh peng caah i al khawh dawh kan si ti lo.”

“Biatak tein bia i ruah ka duh, bia i al hmanh khi ka duh, hi bantuk in chimh ngaih luakchuak le i alhniarnak a um lomi nun hi ka duhlo” tiah minu a chim.

A vapa nih biaceih zung cu “zaangfah tein kan tthen hlah ko sawh uh” tiah a nawl.

“Kum khat te lawng i umh hnu i biakhiah colh cu a taya lo, ahopaoh an palhmi in fimnak an i lak. Kei cu a tthami le a tlingmi va ka si i, cutin si zungzal ka duh,” tiah a chim.

Biaceih zung nih “si cun nanmah nuva tthennak kong cu kan ceih rih lai lo, nanmah pahnih i ceih hmasa rih uh” a ti hna. – Daily Mail

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.