Taiwan pa Neil Cheng Le nih lehmah 17 a saumi sakhithat a zuat i, a pum cungah aa kaiter pinah a lu hna a muai. A video zoh cun tlingza si.

Neil Cheng Le (kum 26) cu biology a cawngmi a si i, inn satil zuat awk ah aa thimmi sakhithat hi mi zapi nih cawn awk a si lo.

A zuatmi sakhithat hi Scolopendra gigantean phun a si i a ke aihre i a ngan taktakmi a si.

Neil nih 2014 ah a rak cawkmi a si.

“Sakhithat ka pum cung ka kaiter ah siseh, ka kut in rawl ka pekmi cu a poi lo. Nain, mi sawhsawh nih cun hi bantuk saram hi cu zua hlah ko uh” tiah Neil nih a chim.

“Saram kong cu ka cawnmi si tikah, a him lomi cun kaa ruat lo. Ami seh hi fak ngai ko lai. Sakhithat sehnak in a thimi zong an um tawn ko,” tiah Neil nih a chimchap.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.