Miss Bawi Tha Hlei Par: Lai pa nih zukhmawm an tawngh tukmi hi ka uar lo ngai

Kuala Lumpur – 71nak Chin Miphun Ni miss cotu Bawi Tha Hlei Par cu The Chin Express he tonbiaruahnak kan ngei kho. Pe 5′ 5″ fai a sangmi Miss Bawi Tha cu Kawlrawn, Tayakone ah a rak chuak.

Kum 17 te lawng a si nain, atu lio Laimi kong a hmuhning a chimmi ngaih tikah khua a rak ruat kho ngai ti a lang.

Miss Bawi Tha: Ka va caah cun Lai pa lawng ka duh. Nain, Lai pa tampi cu zuu an ding hna, zuu a ding lomi nih le kuak, khaini (raja), tbk., zukhmawm an tawng pah dih hna i mahte hi ka uar lo ngai.

Laimi nih Facebook ah UPC le Baptist kong kan buaipi lenmi nih hin thil ttha nakin i hmuhthiam lonak a chuahpi deuh. Kan biakmi Pathian aa khat ko i nang UPC kei Baptist tiah kutdong i sawh len loin khat le khat kan biaknak hi i upat piak hna usih law kanmah tu hi zumh awktlak tein nun i zuam hna usih ti ka duh.

Lai nu cheukhat cu mi i bochan kan uar tuk tiah ka ruah. Ka tuah khawh ve ko lai timi lungput a ngeimi Lai nu si dingin i zuam cio hna usih.

Miss zuamnak ahcun kan fimthiamnak le muisam chuah a si caah ttawk ttuh i bunh khi cu a ttha lo ka ti. Kan muisam le pumrua hna zong hi biakhiahnak caah an zohmi facts an si dih caah ttawk ttuh aa bunhmi cu miss pek phu an si lo tiah ka ruah.

Malaysia Chin Miphun Ni ah Kawl holh kan hmanmi hi cu kan umnak hmunhma ruangah a si. Chin miphun ttengnge kan i cawh dih hna caah zapi nih thiammi holh, Kawl holh hman hi a ttha ko ka ti.

Adang Chinmi kong tete a hmuhning le amah pumpak kong cu atang video ah tling tein zoh-ngai ve.

Miss Bawi Tha:

  • Ka lungretheih le lungdongh tuk caan ah…
  • Vawlei cungah nu kan biapit biknak 2 cu…
  • Liamcia caan i ka tuahmi lakah kaa ngaihchih bikmi cu…
  • Malaysia um a nuamhnak le a harnak cu…
  • Facebook ah tlangval ka ngei ti an langhtermi hi…
  • Lai nu cu va ngeih hnu ah filhhnomh nawnpi in an um caah…
  • Lai nu hi mi i bochan kan uar tuk, kanmah le mah confidence…
  • Laimi nih UPC le Baptist kan buaipi ngaimi hi…


Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.