India ram, Mizoram state ah kum fatin tuahmi Zofest puai cu December 4 in 7 tiang Reiek khua ah an tuah liopi a si. Myanmar ram in Chin MP 4 zong an kal ve lai.

A kal ding Chin MP 4 hna cu;

  1. Pi Ni Sui Lian (Thantlang)
  2. Dr. Salai Riangvela Ph.D (Falam)
  3.  Ebenezer Khawtinsiami (Kalaymyo) le
  4. Kyi Moet Moet Lwin, MBBS (Sintkaing Township; Mandalay Region) hna an si.

Chin MP 4 hna cu December 6 zaanlei 2:50pm ah Aizawl airport an phan lai. December 7 11:30AM-3:00PM ah MP Ebenezer Khawtinsiami cu biachimnak a ngei lai.

December 9 ah Myanmar ram ah an kir tthan lai. Hlutdaw Meeting a um lio si caah an caam kho lai lo.

Chin MP 4 hna cu Zofest puai ah an kal khawhnak hnga, Pyithu Hlutdaw lutlai U T Khum Myat nih a bawmh hna. U T Khum Myat hi Kachin miphun a si caah Chin miphun a daw ngai, tiah theih a si.

Chin Students Union le CCYO

Myanmar ram i Chin Students Union in minung 5 le Central Chin Youth Organization in minung 4 zong December 1 ahkhan Mizoram khualipi Aizawl an phan cang hna.

Hakha, Tedim peng bu pawl, Hualngo, Asho miphun le adang tampi zong an sawm hna.

Zofest puai cu Mizo Siangngakchia Bu (Mizo Zirlai Pawl = MZP) nih kum fatin an tuah i tutan hi avoi 6nk a si.

Zofest puai cu Myanmar, India le Bangladesh ah a ummi Zo (Chin) miphun hna i hawikomhnak caah tuahmi a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.