France rammi Mr Arthur Desclaux nih February 7 ahkhan Naypyidaw Hluttaw zung pawngah drone a zuanter caah palek nih an tlaih i taza an cuai. Tuni ah Oattara Thiri peng biaceih zung ah avoi 1nk bik an chuahpi.

Tuni biaceih zung ahcun Yangon um France tanzung rianttuan pakhat zong a ra i biaceih zung nih holhlet a pek pinah France rammi sinak in sihni hlannak nawl zong a pek chih.

“Drone le a thilri hi phungninglo in a rak i kenmi an si ruangah 2012 export, import upadi Section 8 in biaceih si lai.”

Naypyidaw Hluttaw Pawngah Drone A Zuan Tertu Mirang Pa An Tlaih

“Hi upadi ahcun a sual ko ahcun a tambik kum 3 thongthlak khawh a si. Aamahkhan a ngah lo. February 27 khi biaceih zung ah a donghnakbik a sual biaceihpiak si te lai,” tiah pengkulh biaceih bawi nih a chim.

Kum 2018, October 27 zong ahkhan Naypyidaw Hluttaw ah drone a zuan tertu TRT thawngzamh rianttuan Singapore rammi 1, Malaysia rammi 1 le holhleh a zultu Myanmar rammi 1 tlaih an rak si ve.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.