Ni Len Par Mawi Le A Ta Malaysia An Phan Cang

CYO Malaysia nih hlasa dingin a sawmmi hna chungin Ni Len Par Mawi le a ta Nicholas Dawt Kam Sang cu tuni  chun ahkhan Malaysia an phan cang.

A dang 3 – No Ling Lian (Pa Ling), Siang Lian Tum le Ce Ce cu visa an sungh ruangah tu zarh Zarhpini phan dingin tuahpiak tthan an si. Visa an ngah lai/lo a fiang rih lo.

CYO nih concert ah hlasa ding mi hna hi Kawlram lei in Cung Hlei Lian, Nicholas Dawt Kam Sang, No Ling Lian (Pa Ling), Siang Lian Tum, Ni Len Par Mawi, Esther Dawt Chin Sung, Ce Ce le Tial Leng Cuai an si.

Ni Len Par Mawi nih Malaysia um a fan pawl caah amah muicuang angki zun 50 hrawng zuar dingin a phuarh chih tiah kan theih.

Esther Dawt Chin Sung, Cung Hlei Lian le Tial Leng Cuai hi Mie nih an khrihfabu kum 10 tlinnak Jubilee ah hlasa dingin an sawmmi hna an si, CYO nih an concert caah an sawm chin ve hna.

Concert cu November 5, 2018 ah si lai i Chinese Assembly Hall ( CND tuah tawnnak) ah khan a si lai. Zaanlei sml 1:00pm in zaanlei sml 6:00pm tiang si lai.

Nicholas le Van Dawt Cin nih an sakmi hi tutan ah Nicholas le Nilen nih sa hna sehlaw…

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.