Ni Len Par Mawi: Tlu Dingin An Ka Doh Len Lio Ah Tluk Ka Manh Rih Lo

Myanmar Idol ah hlasak aa zuammi Ni Len Par Mawi cu CYOM nih Malaysia ah hlasa dingin a sawm. Hla a sak lio ah mipa pakhat nih pangpar in a cheh i, Ni Len nih a lehrulh.

Ni Len Par Mawi nih a lehrulhmi cu mi cheukhat nih an soisel taktak. Comment ah siseh, cakuat ah siseh bia tha/dawh lo in an ti. Mi cheukhat nih cun a lehrulhmi cu a palh lo an ti ve. Amah Ni Len Par Mawi tu cu thachiat lo in zuamnak lungthin a ngei chin.

Atu nai ah Ni Len Par Mawi nih bia ttha/dawh lo in ca an kuatmi le comment cheukhat cu screenshot a tuah i a timeline ah a hun tar.

Ni Len Par Mawi: Mah bantuk tete nan um ruang hin dakaw zuamnak lungthin ka ngeih chin chin cu.  Kaa lawm tuk mu. Nan ka tthawn ter chinchin caah. Thil sining a thei dih tu Pathian kaa ngeih. Zei hmanh ka ttih lo.

Thlu ding in a ka do tu hna caah tluk kaa manh rih lo. Tha a ka pe tu hna caah i zuam hmanh ka vuai rih lo. 1000 chung ah 900 nih nan ka soisel zong ah tha a ka pe tu a ka dirkamh tu 100 caah ka si khawh cung kaa zuam rih lai.

Hi ban tuk ttukttak hi ing kho hlah ning law hlasak lam hi kaa thim lai lo. Teinak ka hmuh le hmuh lo tu cu Pathian kut ah a um ko. A ka ttan pi tu a ka dirkamh tu a ka dawtu nan dih lak Pathian tu nih a let in thlua in chuah ko hna seh

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.