Mi tampi kan i telnak, mibu in kan umnak puai pawl ah kan tontuk mi cu zuuri pa pawl nih nu pawl kha i ralh lo kar, hngalh lo kar ah tonghtham (hnuk tongh, ttawk bengh) kan tong lengmang.

Hi bantuk konghe pehtlai in Myanmar ram Upadi nin nu pawl zeitin dah a kan huhphenh timi kha Chin state Upadi lutlai Pu San Ni Thang Cung nih hitin a chim.

“Laimi kan sining ahhin nu le pa hi neihniam tuk in kan um tik ahkhan upadi um ningcang kha kan rak thei lo.”

“A taktak ahcun sual case a si. Tazacuai ahcun Sualnak Upadi Dal 354 ah kum 2 tiang thongthlak khawh a si. Culawng siloin, tangka dantat khawh a si. Mah kong hi mi zapi nih an theih herh ngaimi a si”

“Duh naloin tonghtham a tongmi nu nih a report ngam lo zongah a hawile nih report piak cu a ngah ko. Sinain, tazacuai tik tu ahkhan tonghtham a tongmi nu nih a chim ding a si ruangah amah aa tel hrim a hau.”

“Amah hnatlaknak zong a hau. Amah aa tel lawng ahkhan biaceih zung nih a dik ningin bia a khiah lai.”

“Cun, thil a can lio ah a um vemi pawngkam mipi nih an dirkamh a hau. Biaceih zung ah hi pa nih a tuah lio ka hmuh bak ko a ti piaktu an um ahcun a ttha tuk,” tiah Chin State Upadi lutlai Pu San Ni Thang Cung nih a chim.

A tanglei video ah tlamtling deuh rak zoh te:

_ Chin Women Organization Hakha

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.