Rakhine ralkap (AA) le Myanmar ralkap i kah ruangah innlo a zaam takmi Chin ralzaam hna caah Chin state Sipin Vuanci U Soe Htet nih facang tun 200 a hlut lai.

“Chin ralzaam hna caah facang tun 200 bawmh dingin Sipin Vuanci U Soe Htet nih meeting kan tuah lio ah a chim. Facang tun an rak phurh mi zong kan hmuh. Nain, zeitik ahdah an kan pek lai ti cu kan hngal rih lo,” tiah Ralzaam bawmtu bu ah rianttuantu pakhat nih a chim.

U Soe Htet

Chin state, Paletwa peng chung ah AA le Myanmar ralkap i kahnak ruang in khuami an zaam i India-Myanmar rammi ah a ummi AA pennak hmun a phanmi zong an um.

Paletwa peng chung ral ruangah a zaam i nihin tiang inn le lo ah a kir rih lomi minung 35% leng an si tiah GAD cazin ah aa ttial.

Kum 2015 in khan Paletwa peng ah AA le Myanmar ralkap an i kap lengmang i khuami cu Paletwa peng chung lawng siloin India ram, Mizoram state tiang an zaam hna. _ Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.