Myanmar rampi ruahnak cheutu Pi Aung San Suu Kyi cu Chin state ah ni 3 chung khual a tlawng lai tiah Chin state Sipin Vuanci U Soe Htet nih a chim.

Pi Aung San Suu Kyi cu Thantlang, Hakha, Falam, Tedim le Kalaymyo ah mipi he tonnak a ngei lai. Cun, Tikir khua ah Dam le Electric mei honnak a tuah pi hna lai.

“Ram hruaitu bawi a rat lai tikah kan herhmi kan chimh lai. Amah zong state tthanchonak caah a ratmi si bang caanttha tuk a si,” tiah U Soe Htet nih a chimchap.

Pi Aung San Suu Kyi cu January 20 ah Chin state a phan lai. Myanmar Vice President [2] Pu Henry Van Thio nih Tikir khua in a rak don lai.

Awttha Sung Tin Par zong Tikir khua i Dam le mei honpuai ah hlasa dingin an sawm i, atu hi Tikir khua ah a um lio si ve._ 7 Day Daily

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.