Pu Hoih Thang Hi Zaangfak Tuk Si, Bawmh Khawh A Si

Paletwa, Chin state – October 29, 2018 ah vawlei tang phummi bomb aa lamh sualmi Pu Hoih Thang (kum 35) cu a tu hi Sittwe sizung ah a um lio a si. Bomb nih a puahnak hma hi a cei taktak. Zaangfak tuk a si. Bawmh a duhmi nih Saya Aung Shing 09250451941 sinah pehtlaih khawh a si. Hmanthlak hi November 13 ah an thlakmi a si.

Pu Hoih Thang le a hawile 4 cu October 23 ahkhan meh kawl dingin ramtang ah an kal i October 29 zingka 11am ah bomb aa lamh sual hi si.

A hawile 4 nih khuami sinah thawng an thanh i October 29 zaanlei 4pm hrawngah khua an phanhpi.

October 29, zaan 6pm ah an khua in Paletwa khuapi sizung ah an kalpi. Zaan khuadei an kal i tu zingka 5am ah Paletwa sizung an phanhpi. Aa hliam ning a fah tuk caah Sittwe sizung ah an tthial.

Pu Hoih Thang hi fa 5 a ngeimi si.

Paletwa peng ahhin kum 2015 thokin Rakhine Ralkap (AA) le cozah ralkap (Kawl Ralkap) an i kap lengmang i khuami 6,000 leng an zaam cang.

 

Mah pinah, atu bantukin khuami tampi cu AA le Kawl Ralkap nih bomb an hmanhmi i lamh sual in hliam an tuar i an nunnak tiang a liam lengmang. _ Chin World, Khumi Media

 

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.