AA nih Chin state, Paletwa peng, khuate khuabawi sinah ca a kuatmi zoh tikah Chin miphun nehsawh tuk bia a si.

Rakhine Ralkap ralrin peknak;

AA ralkap a zaammi nan khua an rung phanh ahcun tlai hna ulaw kan sinah ap hna uh. An thawngpang nan theih zongah kanmah sinah khulrang in thawng thanh ulaw, Kawl ralkap sinah thawngthanh hrimhrim hlah uh.

Nan khua ah Kawl ralkap an phanh asiloah an thawngpang nan theih ahcun a caan liote ah thawng na kan thanh lai.

Kawl ralkap nih ‘thawng kan thanh uh’ an in ti hna ahcun thawngpang tling thanh loin pingpalo nan thanh hna lai.

Acunglei kan in chimhmi hna hi nan zulh lo, nan tlolh, le Kawl ralkap thawng nan thanh hna ahcun aa tlakmi dantatnak nan tuar lai tiah kan in theihter hna.

AA nih Chin khuabawi ca a kuatmi – Photo: Khumi Media Group

Rakhine/Arakan Army (AA) le Myanmar ralkap Chin state ah an i kah ruangah khuami thong tampi nunnak kawl in an zaam i Mizoram tiang an phan.

Cheukhat cu Chin state cu khua kip ah an phan i nihin tiang a kir rih lomi zong tampi an um.

Anmah ruangah Chin state minung 6,000 leng an zaam cang.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.