Rakhine tlangval 5 Chin state ah an tlaih hna

Tedim, Chin state – Chin state in India kal aa timmi Rakhine tlangval 5 cu September 22 ahkhan Tedim peng ah kan tlaih hna, tiah lahwahkah bawi U Han Win Aung nih a chim.

“India hmatpungttin an ngei. India rammi sinak an ngeih caah Lahwahkah upadi in tazacuai khawh an si men lai,” tiah a chim.

“Tedim palek sakhan ah kan hren hna. Myanmar hmatpungttin an ngei ve ko nain a deu alo. Rakhine Ralkap (AA) he pehtlaihnak an ngeih/lo zong kan hlat lio a si i a dikthlir chim khawh a si rih lo.”

“Mah kong hi cu kan hlat lio lawng a si rih caah ruahdamh in chim awk a ttha rih lo,” a ti.

Rakhine tlangval 5 hna cu;

  1. Maung Aye Maung,
  2. Maung Tan Soe Win,
  3. Maung Khine Maung Soe,
  4. Maung Myo Min Hlaing le
  5. Maung Shwe Win hna an si.

Charhchan: Khonumthung

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.