Matupi, Chin state:  No.1, B.E.H.S. Matupi sianginn ah laboratory sayamah a ttuanmi sayamah Nuh Bawng cu Matupi um ralkap bawi Pyih Sone Min timi pa nih December 18 ahkhan a velh tiah theih a si.

Sayamah Nuh Bawng le ralkap bawi Pyih Sone Min hi aa aa duhmi an si.

“Ralkap bawi Pyih Sone Min he hin 2016 September thla hrawng ahkhan kan rak i thei i kan i duh. 2017 ahkhan midang sinah keimah min in tangka ka rak cawipiak.”

“Tangka cu a cham lo. Ka nulepa ka chimh hna. Khuanu/pa kan auh hna i nizaan ahkhan kan i tong hna.”

Chin state ah a ninghngalmi Kawl ralkap bawi Pyih Sone Min

“Tangka cu tling tein a rak put ko. Nain, ‘hmailei zong kan i pehtlai ti lai lo. A dangdang kong zong kan i ruah ti lai lo’ ti aa ttialmi catlap a rak put chih. Na min thut aa ka ti.”

“Tangka ka cham cang timi cu min ka thut khawh ko. Nain, a dang kong ahcun min ka thu kho lo ka ti.”

“Tangka cu ka lak i innleng ah ka tthu. Ka hnulei in a rak ka zulh i Mindat lam lei ah aa ka kalpi, min na thu lai maw thu lo tiin ka hmai ah aa ka bengh. Ka sam aa ka hnuh.”

“Ka hmai ah voi 10 hrawng aa ka bengh caah ka au i ka ttap. Na aw chuah hlah, tap hlah aa ka ti i ka kaa aa ka phih. A donghnak ahcun ka in khawh ti lo caah min cu ka tthutpiak,” tiah sayamah Nuh Bawng nih a chim.

Sayamah Nuh Bawng nih atu a tonmi kong hi Matupi palek sakhan ah report dingin a kal nain palek bawi a um lo tiin an rak khirh. _ Khonumthung Burmese, Chin World

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.