Russia nu cu a zuatmi vok nih ‘a nung in an ei’

Russia nu cu a zuatmi vok pawl nih an ei. Vok rawl a pek lio ah ruah lo piin a lungmit i vok inn chungah a tla.

Vok cu an rawl ttam ngai cang. Rawl a pekmi hna nih an kaa a thawt hna lingcing bak si fawn kaw, anmah ngeitu kum 56 nu cu an ei colh.

Minu cu vok nih ‘ahmai, aliang le hnakhaw 2 a dihlak in an ei dih cikcek’ tiah Russia media pawl nih an ttial.

A thi tamtuk a chuah caah a thi.

Vok zuatnak hmun ahhin minu le vapa lawng an um. Mah zaan cu mipa hi a dam pah lo caah tuante ah a it. Zingka a thawh hnu ceo ah a nupi a um lomi a hngalh, a va kawl cu vok inn chungah aruak in hmuh.

Russia ram, Udmurtia ramtthen, Malopuginsky peng i khuate pakhat ah, kan hnu zarh ah a cangmi si.

Palek pawl nih mah thawngpang an theih cu an lau taktak, “mah bantuk cu kan thei bal lo” an ti. New Strait Times le News Australia