Atu lio Lai mino lakah Pathian nih a hman taktak mi USA ram um saya Sailo Thang cu Jan 15, 2019 (tuni) ah Malaysia a phan lai.

January 15 – 20 tiang CCCM imbi biakinn ah crusade a tuah lai. Thlarau leiah thazaang a dermi le Pathian bia fiang chin in theih a duh mi paoh pumh khawh cio i zuam hna usih.

Sailo Thang te chung cu naite ah Australia ram ah an tlawng i atu hi Australia ram in an rak lanhmi a si. An chungkhar ning in Jan 15 ah Malaysia an phan lai i Immanuel Charity Home (ICH) inn ah an i tthum lai. Sailo Thang a pa hi Evan Mang Cung Nung a si i Pathian nih a hman taktak mi a si ve.

Sailo Thang a pa Evan Mang Cung Nung nih Puchong CCCM biakinn ah crusade a tuah ve lai, cu lioah a fapa Sailo Thang zong nih Imbi CCCM biakinn ah crusade a tuah ve lai. An pa fa in Pathian an duh i Pathian zong nih a hman taktak mihna an si.

Sailo Thang cu CCCM Imbi biakinn ah zarhkhat chung telawng Crusade a tuah lai i hmaizarh nikhat ni khi an umnak ramlei an kir colh lai. Asinain, a pa Evan Mang Cung Nung tu zarhkhat chung Puchong CCCM biakinn ah crusade a tuah dih in Imbi CCCM biakinn zarhkhat chung Crusade a tuah ve te lai.

Sailo Thang hi youtube zong a thawngttha chimnak tampi a um cang. Mino te a si nain Pathian a duh i Pathian nih a hman taktak mi a si.

Cawnpiak a thiam i a cawnpiak nak zong lung a fiang taktak . Cucaah Malaysia ummi laimi kan dihlak hi crusade tuahnak ah tel cio dingin kan in sawm hna.

A hmun – CCCM Imbi Biakinn A Caan – 8 pm – 10 pm A Ni – January 15, 2019 Contact -0321104231

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.