Singapore ah Chin ngaknu inn cung zuan in a thi

Singapore ramah sinum rian a ttuanmi Chin ngaknu Mai Lun Deih Ching cu tu chun October 12 ah inn cungin a zuang i a nunnak liam, tiah kan theih.

Mai Lun Deih Ching, kum 26 cu sinum rian a ttuannak inn ah nau a um pahmi a si. A nau umhmi cu aa khawn sual tikah amah sual an phawt. Naute a nulepa nih palek sinah kan in report lai an ti.

Lun Deih Ching
Lun Deih Ching

Mah ruangah Mai Lun Deih Ching cu a lungrethei tuk i thlalangawng in a zuang i a nunnak liam hi si.

Mai Lun Deih Ching cu India ram, Mizoram state i Champhai vengthar khua ah a chuakmi a si.

A ruak cu an khua ah kuat dingin Mizoram um Agency nih khua an khan liopi a si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.