Singapore ram Choa Chu Kang khua i thlan ah rian a ttuanmi Myanmar rammi 6 cu February 21 ah Lahwahkah phung a bur tiin Lahwahkah nih an tlaih hna.

Myanmar pa pawl cu kum 22 in kum 42 kar an si hna. An nih hi visit visa in Singapore ah an kal i an kir ti lo.

Tuni zingka ah lahwahkah nih phungninglo ramdangmi tlaihkhihnak an tuah lio ah an tlaihmi hna an si.

Lahwahkah rianttuan pakhat nih Myanmar pa pakhat cu lor a timh nain a hmuh le cangka in Myanmar pa cu zaam aa tim.

Myanmar pa cu thlan i an rianttuannak hmun ah a va zaam i, lahwahkah rianttuan nih an dawi. Thlan ah a dang Myanmar pa 5 an va tlaih chih hna.

Myanmar pa pawl cu thlan ah thlan khor cawh rianttuanmi an si.

Singapore lahwahkah le palek nih thil sining cu an hlat liopi a si.

Online hmangtu pakhat nih Myanmar pawl cu anmah le an thlen an i cawh bak si ko a ti.

Cheukhat nih anmah lawng siloin an boss zong dantat uh an ti.

Atu bantuk in visa dih hnu ah a kir tilo mi le phungninglo minung cu thla 6 thokthlak le a tlawmbik fungfek voi 3 tuk khawh an si.

An ram kuat tik zongah S$2,000 liamter silole thongthlak pinah tangka liamter khawh an si. _ CNA


Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.