A Rauh hlan ah awttha Sung Tin Par sakmi ‘Taungzalet Eain Pyan Chain’ timi hla a chuak lai.

Hla phuahtu hi Tuang Tuang a si i ramleng a chuakmi hawikawm hna, Chinram nih an kir caan a hngah peng hnanak kong phuahmi a si.

“Ka u Sung Tin nih kan i ton hmasabik lio ah Tuang Tuang Chinram a aiawhtu hla sak ka duh a ka ti.”

“Kei cu Yangon ah a chuak i a tangmi ka si tikah Chinram kong hla phuah ding cu ka lungrethei pah. A tlamtling kho hnga maw tiin ka thinphang pah.”

Hla phuahtu Tuang Tuang

“Nain, amah Sung Tin nih a duhmi tete a chim. A hnu ah keimah zong Chinram ah ka va tlawng. Lai nunphung le sining ka tap kho ve.”

“A donghnak ahcun tuah kan duhmi hla cu tlamtling tein kan lim. Hi hla kan phuahnak a ruangbik cu tuchan mino tampi nih an chuahkehnak Chinram kal tak in ramdang ah pawcawmnak rian an ttuan.”

“Chinram tlun caan zong an thei ti lo. Anmah caah ka phuahmi a si. An rak kir tikah dawtu hawikawm, chungkhar an um timi langhter kan duhmi a si.”

“An caah kir caan a tlai cang ti a um lo. Kan nih chungkhar zongah ramleng ah chuak in rian a ttuanmi an um tikah ka tuarpiak thiam tuk hna. Kaa lawm tuk,” tiah hla phuahtu Tuang Tuang nih a chim.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.