Yangon hrambunh Thein Tun Titsa Company le Rih Region Multi Development Society (RRMDS) i bawm in Kalaymyo, Tahan sang ah Japan holh cawnnak an hon tthan cang.
Japan holh cawnnak cu thla khat ah kyat 30,000 a si i, cawn a duhmi paoh tu zarh chungah min pek a si lai.
Japan holh cawnnak ahhin basic (rawl ei, ti din) in thiam tiang (N5 to N1) a dotdot in a um i Tahan ah basic (N5 le N4) cawn khawh a si.
N5 le N4 thiam dih hnu ahcun Japan ram ah rianttuan khawhnak lam a um lai ti a si.
“Tahan ahhin cun N5 le N4 tiang lawng kan cawnpiak hna. N5 le N4 an lim in Yangon ah an kal lai i camipuai an phi lai.”
“Camipuai an awn ahcun holh cawnnak tuahtu company le Japan embassy tawlrelnak in Japan ram ah rianttuan khawh si lai. Japan ram kalnak cu company nih a liam chung lai i, a hnu ah thlahlawh chungin zuhpiak si lai te,” tiah Japan holh cawnnak ah rian a ttuanmi sayama Han Sian Dim nih a chim.
Japan holh cawnnak cu zinglei sml (9 -12 tiang), zaanlei sml (1-3 tiang) le zaan sml (6-9 tiang) tiin ni khat ah voi 3 an tuah. Holh a cawngmi minung 40 hrawng an um tiah theih a si.
N3 in N1 tiang cawnchap duh ahcun Yangon ah kai a hau. _ Khonumthung
