Naite Zarhteni ahkhan Afghanistan ram, Kabul khuapi i tthitum puai pakhat ah IS ralhrang nih nunthap bomb an puah i a hmun ah minung 63 an thi. Minung 180 leng hliam an tuar.

President Ashraf Ghani nih ‘luyai’ thil tuah a si tiah a ti.

Afghanistan cozah nih “thitum puai i bomb puahnak in a thimi hi atu tiangah minung 80 an si cang. Aa hliammi le zualhma tuk in sizung ah rak kalpi mi pawl kha sizung ah an nunnak liam,” tiah tuni ah thawng a thanh.

Mopa Mirwais Elmi nih “ka nun chung kaa nuam kho ti lai lo. Bomb puahnak hmun ah ka nupi cu a thilo nain, ka naupa le a dang ka chungkhar cu a thimi 63 lak ah an i tel ve,” tiah a chim.

IS ralhrang nih kan mah thil tuahmi a si tiah an i phuan. _ AFP

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.