US um Chinpa Tial Cung Thang nih a Facebook cahmai ah “Myanmar ram mipi he ton lai kaa ngaih tuk” tiah a ttial.

Tial Cung Thang nih nizaan ahkhan One Championship he hnatlaknak minsen a tthut cang.

A ra laimi March thla ah One Championship ah avoi khatnak bik aa tthua ve cang lai.

One Championship sui taisawm 2 ngeitu Kachin pa Aung La Nsang nih “Chin pa Tial Thang hi i ralring uh#laipaih 2019! One Championship he hnatlaknak minsen a thut cang.”

“Myanmar le ka unau Chin aiawh in aa tthuatmi hmuh lai kaa ngaih tuk” tiah a ti.

Tial Cung Thang (kum 25) cu Bantamweight ah aa tthua lai. Annih hi One Championship sui taisawm 2 ngeimi Kachin pa Aung La Nsang nih a cawnpimi a si.

Aung La Nsang nih Tial Cung Thang cu ni khatkhat ah World Champion a si te lai tiah ka zumh tiin a rak chimbal.

Tial Cung Thang cu ttuang ah tlaih bu tthuat a thiam ngai. A mi thong le chuih zong a ttha ngaimi a si.

Tial Cung Thang cu March 8, 2019 ah Yangon um Thuwunna Innchung Buan ah “Reign of Valor” timi tlangtar in aa phomh cang lai.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.