“Rin Saroth cu round 2 hlan ah ka tei lai,” tiin media sinah a chim.

US Chin pa Tial Cung Thang cu MMA i thong dingin tuni zingka ah Myanmar ram a phan cang tiah kan theih.

March 8 ahkhin Tial Thang cu Cambodia pa Rin Saroth he Yangon khuapi i Thuwana Indoor Stadium ah an i phomh lai. Ni 6 te lawng aa duh cang.

Tial Thang nih ONE Championship ah a zuamtu Cambodia pa hi a tei lai maw

Tial Cung Thang@Tial Thang cu Laipaih champion voi tampi a ngahmi le MMA/UFC zongah teinak voi tampi a hmu lengmang cangmi a si. Nain, ONE Championship ahcun tutan hi avoi 1nk bik aa phomh a si lai.

Cambodia pa Rin Saroth zong hi kum 25 bak a si ve. Anih hi 2013 in ONE Championship ah aa phomh lengmang cangmi a si. Voi 110 aa tthua cang i voi 22 teinak a hmu.

Tial Cung Thang nih Myanmar longyi aa fenh lio

Rin Saroth hi TKO zongin teinak a rak hmu balmi si caah daithlang tlukin ngamh sawhsawh men ding a si lo, ttih a nung ngai ve.

Tial Cung Thang le Rin Saroth cu Bantamweight ah an i tthua lai. Tial Cung Thang hi One Championship sui taisawm 2 ngeimi Kachin pa Aung La Nsang nih a cawnpimi a si.

Tial Cung Thang cu Chin ram, Hakha khuapi ah a chuakmi si nain tleirawl a si lio tein US a phan i a thanglianmi a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.