Chinpa Timothy Joel Sai le Nawl Nei Uk cu atu hi Myanmar ram ah tuahmi The X Factor Myanmar hlasak zuamnak ah top 6 an phan cang. Lawmhpi cio hna usih!

Zahan zaan ahkhan Nirukni zaan i an i zuammi The 80’s Theme i Result Show an tuah i top 6 ah an i tel hi a si. Biakhiaktu Graham ngeihmi Ko Ko Lwin a tla.

Timothy Joel Sai le Nawl Nei Uk hi an muisam le pumrua aa lawh pah caah mi tampi nih unau ah an ruah hna. Nain, unau an si lo.

Timothy Joel Sai hi Zatlang khuami a si i Nawl Nei Uk@Thein Kyaw Htun hi Falam khuami a si.

“Kum 8 hrawng kan si lio tein in aa kawmmi kan si. Unau kan si lo,” tiah T&Tim nih The Chin Express ah an chim.

Cun, an sam colour ruangah soisel an tong. Cu kongah, “kan sam cu contract (lungtlinnak) kan ngei i December thla tiang ii thlen a ngah lo,” tiah T&Tim nih an chimchap.

The X Factor 2018 hlasak zuamnak ah biakhiaktu pawl cu L Seng Zi, Graham, Zam Nu le Za War hna an si. T&Tim hi biakhiaktu Za War group an si.

The X Facetor 2018 hlasak zuamnak cu Nirukni le Zarhpini fatin Mrtv-4/The X Factor Myanmar Facebook Page ah 9pm (Myanmar Caan) in zoh khawh a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.