Tonzang Peng Ah Motor Pakhat Lamthlang Ah A Tla I Minung 1 Thi

Nizaan ahkhan Chin state, Tonzang peng, Tuitum khuate pawng ah motor pakhat cu lamthlang ah a tla i minung 1 a thi, a dang 2 hliamhma an pu.

October 4, zaanlei sml 3 hrawngah Zam Shin Hauh (kum 19) monghmi SKAT motor rang cu Nantzan khuate in thetse a phur i Tuitum khuate pawng i pe 120 hrawng a thuhnak lamthlang ah a tla.

“Motor mongtu Zam Shin Hauh cu a hmun ah a nunnak a liam colh. Motor hnuzultu pahnih lak ah pakhat cu a kee a kiak i a dang pakhat zong hliamhma a pu ve,” tiah thil sining a can lio a hmutu pakhat nih a chim.

Motor hnuzultu Sui Biak Sang (kum 20) le Dar Zakat (kum 20) cu sizung ah an kalpi hna i an nunnak caah thinphan awk um lo tiah Tonzang khuami pakhat nih a chim. _ Khonumthung

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.