Trump nih Fox News thawngla 2 a tthuat hna

Fox News reporter 2 nih ramri vampang kong an chimmi kong he pehtlai in President Trump nih a tthuat hna, “fake news CNN le NBC thawngla nakin pei thil an hngalh lo deuh hi” a ti hna.

“Mah hi ka chim lai ti ka rak ruat bal lo nain Fox News thawngla 2; John Roberts le Gillian Turner hi fake news CNN le NBC thawngla nak hmanh in pei vampang kong an rak hngalh lo deuh hi,” tiah Trump nih Twitter ah a ttial.

“Final results khi zoh ngat uh! Mipi lung ka tlin ning, abikin Hispanics pawl lebang cu an ka uarnak 19% a karh nan hngal lo maw?,” tiah Trump nih a ttial.

Trump nih US media vialte cu “thawngpang deu (fake news)” a ti dih hna nain Fox News hi a soisel bal lo. Tutan hi avoi 1nk bak si. Trump caah cun fake news a si lomi US media pakhat hmanh an um ti lonak a si.

Tu thla thokka ahkhan President Trump hi a rianttuan ning na lungtling maw? tiin mipi bia halnak online poll an tuah i Hispanics tampi an lungtling ngai.

Tuan ahcun Hispanics 31% lawng nih Trump rianttuan ning kan lungtling an rak ti nain, tu thla thokka ahcun 50% bak nih kan lungtling an ti cang.

Trump nih Fox News reporter 2 a phomhmi hna hi zei bia an chimmi zawn te kha dah a si ti fiang in hngalh a si rih lo.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.