UNHCR kongah Chin hruaitu le Malaysia mipi tonnak a um lai

UNHCR nih Chin ralzaam donghter/hlawt dingin bia a khiahmi nawlnak kong le atu lio kan dirhmun kong Malaysia Chin mipi sinah biaruahnak a um lai.

Chin Nuhrin Covo Bu (CHRO) hruainak in US, Australia le ram dang pawl ah Chin ralzaam bawmhnak bu (Advocacy Groups) an dirhmi pawl an rianttuanmi le a phichuak pawl zong i ruah si lai.

Fellowship le community hruaitu lawng si loin theih a duhmi paoh rat khawh cio a si.

March 1 ah CHRO le Australia Hlutdaw chungtel Senator Deam Smith nih UNHCR an ton lai.

Chin mipi he tonnak cu March 1, Ningani zaanlei ah a si lai i a caan le hmun cu atanglei bangin si lai.

  • Ani: March 1
  • Acaan: 4:30pm
  • Ahmun: Senthang Christian Fellowship

Grab in kal a duhmi nih “Lautu Christian Fellowship” tiin ttial a si lai. Lautu le Senthang Biakinn cu inn pakhat ah a ummi ttimi an si.

Malaysia Chin Ralzaam Bu pawl: CRC, ACR, Dai, FRO le ZAM (ICC) hruainak in mipi he tonnak tuah an timh hi si.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. The Chin Express dirh a duh caah 2017 ah RSC ah rian dinhnak ca a ap i ni fatin Chin thawngpang le vawlei cung thawngpang phunkip a ṭial.