Lunglawmhnak Bia – CRC Malaysia

Chin miphun hna cungah dawtnak le zawnruahnak a neimi Australia ram Senator Dean Smith tawlrelpinak thawng in Chin Human Rights Organization (CHRO) riantuantu hna cu Australia ah an kal i Australia um Chin Community hruaitu upa hna he Australia Cozah lutlai nawlngeitu tampi an ton khawh hna. Malaysia le India ram ah aataapmi Chin ralzaam hna kong zong chimphuannak an nei. 

Cun kum 2019 January thla in Malaysia ah UNHCR Chief of Mission a rak tuan dingmi Thomas Albreich zong an va ton khawh. 

CHRO riatuantu kan Pa le hna le Australia Chin Community hruaitu nan dihlak cung ah lunglawmhnak chimcawk lo kan nei. Miphun le ram caah nan cawlcanghmi le riantuanmi ah Bawipa nih theipar tha tlaiter hram ko seh. Nan dihlak upatnak kan in pek hna.

Chin miphun a kan dawtu le zawnruattu Senator Dean Smith cung zong ah kan i lawm tuk. Bawipa nih damnak, nunsaunak le thluachuah pe zungzal ko seh. 

Note: Hmantlak hi CHRO Executive Director Salai Bawi Lian Mang le Malaysia ah UNHCR Chief of Mission a tuan dingmi Thomas Albreich an si. A tu lio UNHCR Chief of Mission asimi Richard Towle cu aa thial cang lai.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.