US Chin tlangval Thawng Dung a ruak in an hmuh

Kansas state, US – Kansas City khua ah a ummi Chin tlangval Thawng Dung cu Nikhatni zaan (US caan) ah a ruak in an hmuh.

Thawng Dung a pa cu Matupi peng, Lautu tlang i Sate khuami a si nain, tlangval Thawng Dung cu Kalay peng, Yankyiaung khua ah a rak chuakmi si.

Thil sining cu palek nih an hlat liopi a si i tlamtling in hngalh a si rih lo.

Kansas City (KCK) palek nih, “a ruak cu 6pm fai ahkhan North 79th Street le Washington Avenue pawngah an hmuh, kum 30 hrawng minung a si,” tiah an chim.

“Mipa nih a inn pawngah thingkung a hau lio ah ruah lo piin mipa (Thawng Dung) ruak cu a hmuh,” an ti.

thawng dung
tlangval Thawng Dung

“A ruak kan zoh tikah hma pakhat hmanh a um lo, zeitin dah a thih ning si ti zong fiang in kan hngal rih lo,” tiah palek Tom Tomasic nih a chim.

Thawngpang tling a um tikah kan rak update tthan tel lai.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.