US um CEBC khrihfabu nih CNF caah Kawlram tangka ting 300 leng a hlut

Indianapolis – Kum 2018 chungah USA ram Indianapolis khua ah a ummi Chin Evangelical Baptist Church (CEBC) khrihfabu nih Chin National Front (CNF) family cungah US$ 21,000 (32.5 million kyats) in Mission rian a ttuan.

Nihin CEBC nubu hna nih thawng an ka thanh. “Nai i, UCCF pawl nih CNF Headquarters ah cachimtu saya te caah innsaknak $4,000 nan kan hal chapmi kha bawmh dingin bia kan khiah cang” an ka ti.

Ka hawile thawng ka thanh hna i an i lawmh cio ve ning chim khawh a si lo.

Hi innsaknak hi $9,000 dih ding a si i naite ahkhan CEBC bu chung tthiamtthiam in Mission Dept. nih $2,500, Youth Dept. nih $2,500 an kan bawmh cang. Atu Women Dept. nih $4,000 an kan bawmhchap i a zaapi tein $9,000 an kan bawmh i CEBC nih sakpiakmi inn ti khawh a si. 

CEBC Chairman Pu Thanchawn Thlaceu, Senior Pastor Rev. Dr. Thawngling Mualhlun, Daniel Sakhong le Pastor Thawng Lian. (Pastor John Zathleng le Pastor Van Thakam Thang an ni tel kho lo)

CEBC nih UCCF an kan bawmmi hi atu $9,000 hlan ahhin, bupi nih $5,000 an kan bawmh, Camp ah Crusade $5,000 dih in a kan tuah piak, Christmas laksawng caah Women Dept. thiamthiam nih $2,000 nai ah Headquarters ah an kuat rih.

Kum 2018 lawng ahhin total in $21,000 a kan bawmh. Khrihfabu pakhat lawng nih hi bantuk a nganmi mission rian CNF sin a ttuan hi kan Chin miphun vialte nih lawmh lo awk a ttha lomi thawngttha a si.

Kan miphun nih ngeihmi Khrihfabu ah mah bantuk in mission rian ngan taktak a ttuan khomi a um hi CEBC pathian nih a umpi, thlua a chuah lawng si loin, kan Chin miphun Pathian nih thlua a kan chuahnak a ngan ning a langhnak pakhat a si.

CEBC lawng si loin, CNF kan sin ah dawtnak taktak he mission rian a ttuanmi bu tampi an um rih nain mah pawl kong hi cu a hnu tu ah ka ttial rihte lai.

CEBC Khrihfabu hi kum 2000 August 20 ah Minung (12) in rak dirhmi a si i, nihin ahcun member 2,891 a si cangmi Khrihfabu nganpi ah Pathian nih thlua a chuah. Pastor (4) a ngeih hna i Senior Pastor cu Rev. Dr. Thawngling Mualhlun a si, Church Chairman cu Pu Thanchawn Thlaceu a si.

Yangon ah CNF ralkap 2 an tlaih hna

Keimah le kachungkhar zong mah Khrihfabu te ahhin kan um ve. United Chin Chritian Felloship (UCCF) cu CNF sinah Khrihfabu le Pumpak kip nih Mission rian an ttuannak caah a cawlcangmi Fellowship group kan si.

Hi bantuk in Mission rianngan a ttuantu CEBC cung ah siseh, USA le Vawlei cung khuaza ramkip ah a ummi CNF le UCCF a bawmtu Khrihfabu kip nan cungah siseh CNF le UCCF member vialte aiawh in lunglawmhnak kan rak chim.

Lunglawmhnak aa hrawmmi hawi le vialte Happy New Year!

Caṭialtu: Daniel Sakhong

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.