Muan Pi, President Trump le Muan Pi apa Thang Lian Pau

US Vanlawng Ralkap (US Air Force) a ttuanmi Chinpa Tg Muan Pi cu President Donald Trump a umnak Inn Raangpi ah rianttuan dingin an lak.

Atu bantukin Inn Raangpi (White House) ah Zomi rian a ttuan hi avoi khatnak bik si, tiah ZGT nih a ttial.

President Donald Trump pumpaak nih Inn Raangpi ah a auh i lawmhpinak tazeih laksawng pawl zong a pek. Hringtu apa he Inn Raangpi ah ra dingin Pu Trump nih a sawm hna hi si.

Tg Muan Pi cu Pu Thang Lian Pau le Pi Cing Za Lun hna i an fapa a si. Chin state, Tedim peng i Leilum khuate mi an si, tiah kan theih.

Tg Muan Pi cu US in Germany ram ah kum 5 deng Vanlawng Ralkap a va cawn hnu ah a rung kirmi a si, i atu cu US President umnak Inn Raangpi ah rian a ttuan lio si, tiah ZGT nih a ttial.

Dr. Muan Thang
Australia Vanlawng Ralkap Dr. Muan Thang

Australia Vanlawng Ralkap (Australia Air Force) zongah Flight Lieutenant Dr. Muan Thang a um. Chin state, Tonzang peng i Luangel khuate ah a rak chuakmi a si.

Tg Muan Pi hi Zomi (Tedim peng) chungah apa 2nk ralkap a ttuanmi si. Anmah 2 hi Zomi tuanbia thar ttial tu an si, tiah ZGT nih a ttial.

Chinmi dihlak chungin cun US ralkap a ttuanmi 15 hrawng an si cang.

Pu Zapeng Sakhong a fapa Joseph C. Sakhong
US Vanlawng Ralkap Joseph Cunglianuk Sakhong

Joseph Cunglianuk Sakhong zong kum 2015 ah US Air Force (Vanlawng Ralkap) degree a la. Pu Zapeng Sakhong, Thantlang peng, Zophei tlang, Aibur khuami i a fapa si.

US Ti Ralkap bawi Major. Patrick Van Lian Uk zong a um. Major Patrick Van Lian Uk cu Chin state, Falam peng ah a rak chuak. Kum 13 a rak si lio 1986 kum ah US ram a phan. 2000 kum ah US ralkap a lut i atu cu ralbawi dirhmun tiang a phan.

major patrick van lian uk
Major Patrick Van Lian Uk

Atu cu Headquarters Marine Corps – Pacific Plans, Policies and Operations ah ralkap bawi a ttuan lio si. Falam mi zumtu hmasa bik Pu Thang Cin i a tupa si – ka hmet law relchap

Mizo (Chin) ngaknu Zoenpari Chhakchhuak, kum 19 zong 2018 January ah US Air Force training aa lim. US Vanlawng Ralkap tinttan hi a har tuk caah nu nih an rak lim kho bal lo. Chin nu hi apa 1nk a si.

Zoenpari cu Pu Dave Chhakchhuak le Pi Zothannguri Ralte hna i an fanu a si. Mizoram state khualipi Aizawl ah a rak chuak.

zoenpari
US Vanlawng Ralkap Zoenpari

US Ti Ralkap (Marine Corps) sianginn a kai liomi tlangval Peng Thang zong a um.

Tlangval Peng Thang cu Chin State, Hakha Peng i Zokhua ah a rak chuakmi a si.

US Ti Ralkap sianginn a kai liomi tlangval Peng Thang

Kan hngalh rih lomi an um len rih lai, comment ah ra kan chim ve te…

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.