Van Hlei Sung cu Malaysia Chinmi hlawi dingin Kuala Lumpur a phan cang

A hlatnak ram New Zealand um Chin ngaknuno awṭha Van Hlei Sung cu Malaysia Chinmi hna music in hlawi dingin tuni ah Kuala Lumpur a phan.

CNF Malaysia chairman Pu Ca Thawng le a miṭhi nih Kuala Lumpur International Airport ah pangpar he mirh zuai in an don.

Palek le operasi nih ni fatin tlerh buin Malaysia um cu har ko hmanh seh, tu zingka 9:45am ah awṭha Sungsung mihring a hmutu paoh cu an hmai ah lawmhnak ni a tlang colh ko.

Facebook ah mi thong tampi nih ceih ciomi Sungsung cu August 31 ah tuah ding CNF Malaysia Concert ah hlasa dingin CNF Regional Committee – Malaysia nih a sawmmi asi.

CNF Concert cu “Kawl nih kum 70 leng a kan uk pengmi hi kan duh hin ti lo, Chinmi hna kanmah tein i uk le ṭhancho kan duh ve cang” tiin ramtang ah meithal aa tlaih i Nawpyitaw ah hmaitonh in Ralkap le Cozah a tong i mahte i uknak a hal cuahmahmi CNF/A bawmhnak caah an tuahmi asi.

Sungsung cu mino te asi nain hi bantukin Chin miphun zalennak caah a thiamnak pahrang chuah in Malaysia khuakhua a rat cu uar a um taktak.

Tuni ah a mithmai kan hmuh cu ‘Facebook ah ram le miphun kong aupi sawhsawh lawng a zalo, kan ti khawh tawk cio in ṭuan a herh’ ti zong a kan ruahter ṭhan.

Grab/Taxi kalnak Address: St. John University School (205, Jalan Bukit Nanas, Kuala Lumpur)

CNF Concert ahhin Sungsung lawng si loin, semnak Kawlram in awṭha Lal Din Thari (Galaxy Star Myanmar), Ce Ce (The Voice Myanmar), Lal Hlim Puia (Tahan, Myanmar) le Mercy Sung Zathang (Australia) hna zong an ra lai, tiah ṭuanvo ngeitu CNF Malaysia upa sin in kan theih.

Malaysia Chin awṭha pawl zong an i tel lai. CNF Chairman Pu Zing Cung silole Secretary Pu Thla Hei pakhat paoh nih an telpi hna lai.

Ram le miphun caah RM30 silole RM20 a siangmi paoh nih CNF Concert cu zoh khawh cio asi. Mah phone number 012-6378107 le 011-11226431 ahhin ticket cawk khawh asi. A hmun zongah cawk khawh asi te lai.

Hmailei ṭhutnak ticket cu RM30 asi i hnulei cu RM20 asi.

Grab/Taxi kalnak Address: St. John University School (205, Jalan Bukit Nanas, Kuala Lumpur)

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2017 ah The Chin Express a dirh i ni fatin Chin thawngpang le vawlei cung thawngpang phunkip a ṭial.