Vanlawng Cit Lio Ah Tuah Lo Ding Thil Phun 8

Vawlei in meng thong tampi a sannak cung a zuangmi vanlawng cit cu a nuam ngai. Vanlawng cit lio ah mah pawl hi na hrial lo ahcun na caah vanlawng cit a har tuk lai.

(1) Vanlawng na cit lio ah contact lens na benh lai lo. Vanlawng cit lio i contact lens benhnak nih mit a rawhter khawh.

(2) Vanlawng a zuan lio ah ka hna pit silole ka hna fak ti phun in na hna phit hlah. Hi bantuk tuahnak hi a tthatter hlei lo lo. Atu le tu na mit tthemh, cekcek silole pakhat khat ei.

(3) Vanlawng na cit lio ah na cumpit ruangah tissue hmang hlanh. Vice/hnar thlor sii pakhatkhat tu hmang.

(4) Vanlawng cit lio ah thi kal ning a nur deuh caah tlawmpal i chawh ding a si. A zaang mi thilpuan i hruk. Phanet/keden i phoih chungnak nih na umning a numhter deuh ngai lai.

(5) Vanlawng na cit lio ah soft drink nak in ti tu ding deuh. Carbonhydrates aa telmi haang nih na umkhua an numhter lai lo.

(6) Rit hmangmi na si ahcun vanlawng ticket na cawk tikah a hmailei tthutnak hi cawk khawh i zuam. A hnulei na tthut ahcun a hmailei nak in na ri deuh lai.

(7) Vanlawng cit lai ah silole cit lio ah Wine/zuu din hrial ko. Wine/zuu nih cun na pum chung ti dat an roter caah na pum chung lut dingmi oxygen a tlawm tuk lai. Cu ruang ahcun thingthei haang tu ding ko.

(8) Vanlawng cung ah phone tongh le selfie thlak cu hrial ko.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.